महाराष्ट्र साहित्य पत्रिका छापील स्वरूपात प्रकाशितपुणे : सहा वर्षांच्या खंडानंतर महाराष्ट्र साहित्य पत्रिका आज (दि. ९) छापील स्वरूपात प्रकाशित करण्यात आली. जानेवारी ते मार्च आणि एप्रिल ते जून २०२६ असा हा जोडअंक आहे.महाराष्ट्र साहित्य परिषदेत सत्तांतर झाल्यानंतर महाराष्ट्र साहित्य पत्रिका छापील स्वरूपात प्रसिद्ध करण्यात येईल, अशी घोषणा करण्यात आली होती. ती आज प्रत्यक्षात आली आहे. महाराष्ट्र साहित्य पत्रिकेचा औपचारिक प्रकाशन सोहळा महाराष्ट्र साहित्य परिषदेत झाला. प्रकाशन महाराष्ट्र साहित्य परिषदेचे अध्यक्ष योगेश सोमण, प्रमुख कार्यवाह डॉ. स्वाती महाळंक, कोषाध्यक्ष प्रदीप निफाडकर, कार्यवाह सुनील महाजन, प्रसाद मिरासदार, डॉ. आशुतोष जावडेकर आणि पत्रिकेचे संपादक माधव राजगुरू यांच्या प्रमुख उपस्थितीत झाला.२०२० पासून महाराष्ट्र साहित्य पत्रिकेचे प्रकाशन खंडित झाले होते. जानेवारी ते जून या कालावधीतील जोड अंक आज प्रकाशित करण्यात आला. वाचक आणि आजीव सभासदांना भविष्यात हा अंक सशुल्क उपलब्ध करून देण्यात येणार आहे, असे योगेश सोमण यांनी सांगितले.१९व्या शतकात अनेक नियतकालिके सुरू झाली. मात्र मोजकीच नियतकालिके काळाच्या कसोटीवर टिकली. अशा मोजक्या नियतकालिकांपैकी महाराष्ट्र साहित्य पत्रिका ही एक आहे. भविष्यात ई-मेलवर पीडीएफ आणि छापील स्वरूपात ही पत्रिका सशुल्क उपलब्ध करून देण्याचा मसापचा विचार आहे, असे माधव राजगुरू यांनी सांगितले.महाराष्ट्र साहित्य परिषदेत कार्यालयीन वेळेत महाराष्ट्र साहित्य पत्रिका वाचकांना सशुल्क उपलब्ध आहे. फोटो ओळ : महाराष्ट्र साहित्य पत्रिकेच्या प्रकाशनप्रसंगी उपस्थित (डावीकडून) प्रसाद मिरासदार, प्रदीप निफाडकर, योगेश सोमण, माधव राजगुरू, डॉ. स्वाती महाळंक, सुनील महाजन, डॉ. आशुतोष जावडेकर.प्रति,मा. संपादक सहा वर्षांच्या खंडानंतर महाराष्ट्र साहित्य पत्रिका आज (दि. ९) छापील स्वरूपात प्रकाशित करण्यात आली.