पुणे : दिल्लीतील प्रसिद्ध हिंदी कवी, नाटककार आणि छायाचित्रकार प्रा. सुरेश ऋतुपर्ण यांच्या काव्यवाचनाचा कार्यक्रम महाराष्ट्र साहित्य परिषदेने आयोजित केला आहे. या निमित्ताने प्रा. सुरेश ऋतुपर्ण यांचा काव्यप्रवास जाणून घेण्याची संधी साहित्य रसिकांना मिळणार आहे. हा कार्यक्रम सोमवार, २४ नोव्हेंबर २०२५ रोजी सायं. ६.०० वा. महाराष्ट्र साहित्य परिषदेच्या माधवराव पटवर्धन सभागृहात होणार आहे. परिषदेचे कार्याध्यक्ष प्रा. मिलिंद जोशी, प्रमुख कार्यवाह सुनिताराजे पवार, कोषाध्यक्ष विनोद कुलकर्णी यावेळी उपस्थित राहणार आहेत.